Styrktarsjóður USVH og Húnaþings vestra er stofnaður með það markmið að styðja afreksfólk, afreksefni og afrekshópa sem stunda æfingar og keppni. Sjóðurinn er stjórnaður af aðalstjórn USVH og úthlutanir úr sjóðnum fara fram tvisvar á ári, í apríl og nóvember. Í aprílúthlutuninni er einungis heimilt að úthluta helmingi af áætluðum tekjum sjóðsins ásamt 50% af tekjuafgangi fyrra árs, en í nóvember má úthluta því sem eftir stendur af tekjum ársins og tekjuafgangi fyrra árs.

Tekjur sjóðsins koma frá ákveðnu hlutfalli tekna USVH af Íslenskri getspá, framlagi frá sveitarfélaginu Húnaþingi vestra samkvæmt gildandi samningum, og frjálsum framlögum einstaklinga, stofnana og fyrirtækja. Ef sjóðnum safnast meira en þarf til styrkveitinga, er heimilt að nýta umframfjármagn í sérstök verkefni á vegum USVH.

Til þess að eiga rétt á styrk úr sjóðnum þurfa íþróttamenn eða hópar að uppfylla skilyrði um að hafa lögheimili í Húnaþingi vestra í að minnsta kosti eitt ár, eða að hafa keppt undir merkjum USVH eða aðildarfélaga þess á síðustu sex mánuðum.

Sjóðurinn er auglýstur með minnst 14 daga fyrirvara, og sótt er um styrk á sérstökum umsóknareyðublöðum samkvæmt vinnureglum sjóðsins. Stjórnin getur þó, í sérstökum tilvikum, veitt styrki án formlegrar umsóknar ef það samræmist reglum sjóðsins. Allar umsóknir og afgreiðslur þeirra eru skráðar í gerðarbók.

Stjórn USVH auglýsir nú eftir umsóknum í styrktarstjóðinn með umsóknarfresti til og með 3. nóvember nk. Umsóknir þurfa að berast í tölvupósti á usvh@usvh.is, útprentað til stjórnarmanna USVH eða í gegnum umsóknarform á heimasíðu.