Landsmót 50+ fór fram í Vogunum dagana 6. – 9. júní 2024, þar sem þátttakendur frá öllum landshornum komu saman til að keppa í fjölbreyttum greinum. USVH átti þar sterka fulltrúa með um 20 keppendur sem tóku þátt í ýmsum greinum og stóðu sig með prýði.

Flestir fulltrúar USVH kepptu í boccia og Ringó, en einnig var þátttaka í frjálsum íþróttum, frisbígolfi og stígvélakasti.

Frábær árangur í boccia

Þrjú lið frá USVH kepptu í boccia, þar sem alls tóku 29 lið þátt í mótinu. Liðin okkar léku þrjá leiki hvert:

• Agnar, Elías, Jón og Ragnheiður unnu tvo leiki og voru hársbreidd frá því að komast í 8-liða úrslit.

• Hilda, Kiddý og Laufey unnu einn leik og gerðu eitt jafntefli.

• Eggert, Sigga og Guðmundur H unnu einn leik.

Silfur í Ringó

Tvö lið frá USVH tóku þátt í Ringó-keppninni, þar sem alls kepptu átta lið:

• Gunni Sv, Gummi, Helgi og Mási komust alla leið í úrslitaleikinn og tryggðu sér silfurverðlaun. Þeir prýða einmitt meðfylgjandi mynd.

• Alla, Bogga, Bjarney, Gréta og Stína enduðu í 5. sæti.

Glæsileg úrslit í einstaklingsgreinum

• Jón Haukdal sigraði í frisbígolfi.

• Bogga vann bæði kringlukast og lóðkast í sínum aldursflokki auk þess að ná 3. sæti í spjótkasti.

• Mási varð annar í spjótkasti.

Stígvélakastið skemmtilegt

Guðmundur Haukur og Laufey kepptu í stígvélakasti, þó að ekki liggi fyrir nánari upplýsingar um árangur þeirra – en skemmtun og góð stemning var þó í fyrirrúmi.

USVH er afar stolt af sínum keppendum og óskar þeim innilega til hamingju með frábæran árangur og þátttöku í Landsmóti 50+. Við hlökkum til næsta móts!