81. Héraðsþing USVH var haldið í félagsheimilinu Ásbyrgi þriðjudaginn 5. apríl kl. 17:00. Þingið gekk vel og mættu fulltrúar frá aðildarfélögunum, Umf Kormáki, Hestamannafélaginu Þyt, Umf Víði og Umf Gretti. Júlíus Guðni Antonsson var þingforseti. 

Gestir þingsins voru Þórey Edda Elísdóttir, 1. varaforseti ÍSÍ og Gunnar Þór Gestsson varaformaður UMFÍ. Gunnar Þór afhenti formanni USVH afmælisplatta í tilefni 90 ára afmælis USVH. Fluttu þau bæði ávarp og þökkum við þeim kærlega fyrir að mæta á þingið. 

Niðurstöður kosninga á Héraðsþingi:

Guðrún Helga Magnúsdóttir sem formaður til tveggja ára

Elísa Ýr Sverrisdóttir sem meðstjórnandi til tveggja ára

Pálmi Geir Ríkharðsson sem 1. varamaður til eins árs

Linda Sóley Guðmundsdóttir sem 2. varamaður til eins árs

Reimar Marteinsson sem 3. varamaður til eins árs

Tveir skoðunarmenn: Ingibjörg Jónsdóttir og Kristín Ólafsdóttir til eins árs

Einn skoðunarmaður til vara til eins árs: Þórdís Helga Benediktsdóttir til eins árs

Viljum við þakka fyrir gott Héraðsþing og færum sérstakar þakkir til Umf Grettis en félagið sá um að halda þingið í ár.

Stjórn USVH